Guwahati, Jan 2: Buring bolgrim aro matburingrangko ripinganiko bariatna gita Dibrugarh aro Silchar-o damgni Zoo ba matburingrangko ripingani biapko kulinasiengaha ine Assam sorkari parakataha. Ia Zoo-rangko tarina gong crore 259 aro 214 tangka paisarangko koros ka•anggen aro research ba am•sandianiko dakchakani biap aro ripingani ja•kurango dakchakaniko on•a man•a gita Institute of Wildlife aro Health for Wild Animals ba matburingrangko sanchakani nokko Chabua-o rike on•anggen.
Assam a•dokni Skotong Minister Himanta Biswa Sarma, Assam State Zoo baksana Botanical Garden-na project-ko Guwahati-o a•bachengate on•angaha aro ia 67 bilsimang ong•pilgipa biapko gital dake taritaipilna gita gong crore 362.04 tangka paisarangkoba chamataha.
Ian 1957 bilsio a•bachengatgipa Zoological aro Botanical Institution ong•a aro ian salgro salaram a•dokrango damsa mangmang donggipa Institute ong•a jean, a•jani buring bolgrim aro matburingrangko ripingani biap ong•a.
Indake, ia ja•kurang de•anio chu•sokaniko man•engani gimin janapengon, Assam Police-ni Special Task Force-ni nirokanichi, matburingrangko so•ote uamangni be•enni bakrangko badingsrukenggipa dolrangko champengna gita man•engaha aro iandakgipa kamko ka•enggipa dolrang namen komibeaha aro unbaksana, gipin manderangni sekdrae ra•gipa a•a rangkoba 74,115 bigha mangni gita sorkari a•kangpilna man•aha ine Sarma aganaha.
Elephant Population Estimation-ni janapatani gita, mang 5828 mongmarangko Assam-o ripingna man•aha ine u•ina man•aha.
Na·simang ia video-koba nina man·gen:
Na·simang iakoba poraina man·gen: Bangsi A·pal songo hajalni hajal manderang Songkritano bak ra·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
