Guwahati, Aug 03: Wachini mikkarang tik ong·e waa dongjaenga baksana ong·bewal temperature-na batpile Assam-ni Kamrup Metro district—ko man·chape a·dokni gipin bakrangoba chakna ampilgija ding·dugaengani gimin, Guwahati aro Kamrup Metro district-ni sambajol biaprango jinmani namgnina aro poraienggipa bi·sarangni an·seng-baljokanina chanchie skul ka·ani somoiko dingtangatenganiko Assam sorkari, Sukrobar salo u·iatangaha.

Ia bilsio a·gilsak gimikchin ong·nasipile sin·a-ding·ani bewalrang namen dingtanganichi Assam-ni skotong songjinma Guwahati-oba apsandaken, balwa baksa chirangni dongani 80 percent-na batpilengani a·sel ong·rongbewalna 6 degree-rang bate doenba ding·ani temperature-o 38 degree-ko segatahani gimin a·doko skul ka·ani somoirangko dingtangatna gita draatako man·aha.

Indake ong·engon, skul ka·ani gital somoirangko u·iatangani gitade, pilak skulrangan pring 7:30 bajioni a·bachenge saljatchion dontonggen, aro higher secondary school-rangba 1 baji dipetsan ka·anggen ine parakataha.

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub