Guwahati, Mar 21: Assam a•doko ISIS bobil dolni dilgiparang re•ruraenga ine intelligence-oniko kobor man•soani ja•man NIA-ni sandienggipa ISIS bobil dolni mande sakgniko rim•na man•aha.
Assam-ni IGP (STF) Partha Sarathi Mahanta-ni u•iatani gitade, Assam a•doko ISIS-ni dilgiparang re•ruraenga ine sal 15-na skangan uamang intelligence-oniko kobor man•soaha aro uandaken ia bobil dolni manderangko police-rang rim•na man•aha.
“Assam-ni Dhubri jolrango ISIS-ni dilgiparang donga ine sal 15-na skang Assam-ni police-rang, central agency-oniko kobor man•soenba, police-rangni chanchichipgipa biaprangona Special Task Force (STF)-ni sipairangko watataha. March-ni 18 tariko police-rang, biapona sepangbatrorobana man•aha aro 19 tarikode ia manderangni dongchakenggipa biapni gimin koborko name man•aha,” ine Mahanta aganaha.
Assam-o sleeper cell-rangko rim•na gita Assam Police, rakbee kamko ka•enga ine IGP parakataha.
Rim•ako man•gipa mande sakgnini bimingara Haris Farooqi ba Harish Ajmal Farukhi aro Rehan ong•a aro uamangko NIA sandiengani gimin Assam Police, ia case-ko NIA-na pakwatataha.
Rim•ako man•gipa Haris Farooqi ba Harish Ajmal Farukhi-ara India a•songo ISIS bobil dolko dilenggipa ong•achim aro India a•songo dingtang dingtang so•sojengjeng ong•atani kamrang baksana chadamberangko bobil dolrango napatanioba uan mongsonggipa ong•achim ine IGP parakataha.
Na·simang iakoba poraina man·gen: Sijuni dollongko rika cho•ani kamrango nirokenggipa manager-ko ma•sina man•gijagipa manderang rim•srukanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
