Guwahati, Oct 30: Assam-ni Dhemaji a•jao, kangal cha•a sigipa ma•a pa, sal 25-san ong•kuenggipa uamangni atchidaldal me•chik bi•sako tangka gong hajal 30-na palna draatako man•aha.
Dibrugarh-ni Assam Medical College aro Hospital (AMCH)-o re•anggipa October jani 4 tariko atchigipa me•chik bi•sako uni ma•a pa chong•motan, Budhiman Borah (pagipa) aro Sabita Borah (ma•gipa) atchia bikan dongale katangaha.
District CWC-ni Chairperson Rupali Deka Borgohain, ia bakgitchak bi•sani ma•a pa baksana bi•sako breanggipa aro iano jak dongpagipa manderangni kosako Silapathar police station-o badi ka•aha ine parakataha.
Dhemaji, Child Helpline, badi ka•aniko man•a jaman am•sandianiko dakatenba bi•sani ma•a pako u•ina gita man•enba, CWC-ona mikkang pa•echina gita ge•etaniko on•ahaoba uamang jechakaha, inenba Borgohain parakataha.
Indake ong•genchimoba, Assam Medical College aro Hospital (AMCH)-ona ma•a pa jamano re•angpilenba bi•sako rimepilenba Pegu Sohoria aro uni segipana tangka gong hajal 30-na palataha ine police dolrang u•iatangskaaha. Bi•sako donenggipa biapni bidingo koborrangko man•soenba, Silapathar-o Dr. Chandrajit Doley-ni nokoniko bi•sako rime ra•eaha.
Adita am•sandianirangko dakon, ia bi•sa bakgitchakko palanio Bubul Borah aro Dilip Saikia, iamang sakgni jak dongpagiparang ong•a ine u•ina gita man•aha.
Bi•sani pagipa, Budhiman Borah, kobor ra•timgiparangna aganengon, October jani 4 tariko uamangni bi•sa AMCH-o atchiahachim, indake uamang cha•a siani a•sel bi•sako alduna man•jawa inenba sakgipinna on•ataha ine parakataha.
Na·simang ia video-koba nina man·gen:
Na·simang iakoba poraina man·gen: U-15 Meghalaya Cricket Team-na seokani camp-o sak 26 me•chik bi•sarang bak ra•anggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
