Guwahati, Sep 6: Assam a•dokni Bongaigaon a•jao Madrassa ba Muslim skulko pe•e galani ja•man, Assam a•doko mongsonggipa opposition dol ong•enggipa AIUDF-ni dilgipa Maulana Badaruddin Ajmal, Assam sorkariko kachariona ra•angna ka•mikkenataha.
Assam a•dokni Madrassa-rangko pe•e galengani gimin an•tangni suk ong•gijaniko parakatengon, ia skulko chalaienggipa ba skie on•enggipa manderang ‘Jehadi’ ba bobil dolni manderang ong•genchimode sorkari, uamangko rim•e nanga gita sastirangko on•na man•a indiba iandake Madrassa-rangko pe•e galaniara namen kraani ong•ja ine Ajmal parakataha.
Ajmal-ni parakatani gitade, iani bidingo ua Assam-ni Chief Minister Himanta Biswa Sarma-ko grongna miksongenga aro nanggenchimode iani bidingo uamang Assam sorkariko Supreme Court-ona ra•anggen.
Indake ong•engon, Assam a•doko Madrassa-rangko sorkari pe•e galna jotton ka•enga ine matnanganiko Assam-ni Chief Minister jegalatskaaha aro Madrassa-rangko bobil dolni kamrangna jakkalna man•jana gitasa sorkari kam ka•enga ine talataniko on•angskaaha.
