Guwahati, May 2: Matburingrangko badingsrukaniko bon·atna kamrangko ka·engon, 2025 bilsini May 1 tariko Guwahati Frontier-ni Border Security Force (BSF) dolrang, Assam-ni Dhubri a·ja sambao donggipa India-Bangladesh sima arioniko sak 2 badingsrukgiparangko rim·an baksana, BSF-ni 66 Battalion-rang dolrang, Bangladesh-ona badingsrukatna miksonge bostao chipe donenggipa mang 202 Sand Boas chipurangko man·aha.
India-ni Wildlife Protection Act 1972-ni ning·o niam-ni gita dos dakgiparangni kosako ja·ku de·aniko dakchina badingsrukgipa manderang aro rim·a man·gipa chipurangko Dhubri Forest Department-na pakwatataha.
U·i-ma·sigiparangni aganani gitade, ia Red Sand Boas (Eryx johnii) ba chipu gitchakrangara South Asia aro Middle East jolrango mandena rasongko ra·bagipa ba sarangko namatna bil donggipa ine manderangni tol·e bebe ra·ani a·sel niamgri palbadingako man·ronga.
Ia Red Sand Boa chipurangara gimaroroangenggipa ong·jagenchim ong·oba gimaangna kenchakani ong·engaha, uni gimin India-ni niamrangchi uamangko naljoke rakkian baksana niamgri badingsrukaniko champengna dakchakaniko on·a gita international rules ba niamrangko ra·gataha.
Na·simang ia video-koba nina man·gen:
Na·simang iakoba poraina man·gen: HSSLC porikkani result-ko May 5 tariko parakgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
