Guwahati, Apr 27: Assam-o me·chikrangni cervical cancer-ko man·ani batroroengoba bilsi 30 aro bilsi 49-ni gisepo ong·gipa me·chikrangoni 0.2 percent-ni gitasan porikkarangko ra·e niengani gimin ian India a·songo komibatgipa ong·enga ine ma·sina man·aha.
Assam Medical College-ni am·sandianio man·ani gitade, India a·songni salgro salaram jolrango 13 percent-ni gita me·chikrang, cervical cancer-ko ong·atgipa HPV infection-rangko man·na altubata aro Assam a·doko bilsi sokgija bia ka·anirangchi ia sabisiko man·na altubata.
2016 bilsio Assam-o lak 1 me·chikrangoni 290.1 ka·e cervical cancer-o nangchapgipa DALY-rangkoba man·batgipa ong·aha.
Me·chikrangni iandake cervical cancer man·aniko champengna gita porikka ra·aniko nambatatchina, HPV tikarangko ra·china, manderangna awareness program-rangko ong·atjringchina aro iandake kenchakna nanganiko warachakna gita sanchakram biaprangko nambatatchina u·i-ma·sigipa manderang ku·pattianiko on·angaha.
Cancer man·aniko chel·chakna gita Pratishruti Cancer & Palliative Trust, Nemcare Hospital baksa nangrime dingtangmancha vaccination drive-ko ong·atangaha aro ia program-ko ong·atanio sak 80 me·chikrang, HPV tikarangko su·e ra·aha.
Assam-o HPV vaccination-ko ra·ani 1 percent-ni gitasan ong·kuengani gimin Pratishruti Cancer & Palliative Trust aro Nemcare Hospital, iani bidingo manderangna mikrakataniko on·na aro tikarangko on·na gita bakrime kamrangko ka·enga.
Na·simang ia video-koba nina man·gen:
Na·simang iakoba poraina man·gen: Hajalni hajal manderang Pope Francisko gopao dongpaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
