Guwahati, Apr 2: Mongolbar attamo, Assam a•dokni Sribhumi a•jao donggipa Badarpur Circle Office sambaoni Assam State Transport Corporation (ASTC) bus gario gadoangani ja•man me•chik saksako bus garini conductor, kragija dake dokaha.
Koborko on•ani gitade, Mongolbar salo ia me•chik, income certificate-ko ra•na Badarpur Circle Office-ona re•angaha aro kam matchote ua noktangona re•pilna gita ASTC bus gario gadoahachim. Bus gario mande sakgnikosan nike ua bus garioni ong•onpilna jotton ka•ahachim indiba ia gario dongsoenggipa manderang, garini do•gako chipe, ia me•chikko chadrapna jotton ka•aha. Ia manderangni jako dokako man•e ua me•chik rang•sanan sibokaha indiba ja•mano ua Whatsapp gita an•tangni ong•enggipa biapko an•tangni pagipana watatna man•aha.
Iako ma•sie bus garini conductor, bus gariko Lamajua-chipakna salangaha aro ia me•chikko Sargola sambao galone donangaha.
Ia a•selni bidingo koborko man•soani ja•man Hindu Raksha Dal-ni manderang, ia a•selko jegalna gita AOC Point-o ramarangko champengate jingjengatangskaaha.
Dos dakgipa manderangko rim•china dabiangengon, dos dakgipa manderangko police-rang rim•jagenchimode uamang an•tangtangan niamko jako ra•skagen ineba Hindu Raksha Dal-ni manderang ka•mikkenataniko on•angaha.
Na·simang ia video-koba nina man·gen:
Na·simang iakoba poraina man·gen: M’laya-ni chadambe saksa National Mountain Bike Championship-o Gold medal-ko chea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
