Guwahati, Nov 13: Assam a•dokni Dispur-o donggipa MLA hostel-o, gulini a•kolko kelki ge•sao nikani ja•man, hostel-o dongenggipa MLA-rangni gisepo kenjagokani ong•kataha.

Koborko on•ani gitade, ia gulini a•kolko Robibar attamo, Assam Legislative Assembly-ni Opposition dolko dilgipa Debabrata Saikai, MLA hostel-ni Block C-o donggipa cholgugani kelkio nikchengahachim.

Iani bidingo Guwahati-ni Police Commissioner Diganta Baruah, kobor ra•timgipa manderangna talate on•angengon, da•o dipet ian gulini a•kolma maia name ma•sikujaenga indiba police-rang, sandirokanirangko dakenga ine parakataha.

Police Commissioner-ni parakatani gitade, ia a•kolko ia kelkio nika jasa batangpilengaha ine ia jolni manderang agantokahaoba Opposition dolko dilgipa Debabrata Saikai-de ia a•kolo Robibar attamosa nikchengaha ine a•kangskaengachim.

Da•o dipet ia MLA hostel-o Assam MLA-rangoni Rupjyoti Kurmi, Mrinal Saikia, Congress MLA Rakibul Hussain, AIUDF MLA Rafiqul Islam, Opposition dolko dilgipa Debabrata Saikai, BJP MLA Dipayan Chakraborty aro gipinrangba dongengachim.

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub