Guwahati, Mar 20: India a•songni salgro salaram jolrango nikronggijagipa chipuni rokom ‘Dog-Faced Water Snake’ ba achakni mikkang dakanggipa chini chipuko Assam-ni Nalbari a•jao nikaha aro iako Pankaj Lochan Deka, Rajesh Dutta Baruah, Atul Kalita, Prasanna Kalita, Madhab Medhi, aro Jayaditya Purkayastha, Reptiles & Amphibians ingipa ki•tapo chapa ka•aha.
Iani bidingo Help Earth dolni general secretary Dr Jayaditya Purkayastha u•iatengon, chipurangko ripinge rakkina kam ka•enggipa manderangni research-rangko dakanichi chipurangni bidingo data rakkianiko, chipurangni dongchakgipa biaprangko ripingna aro chiprang baksa manderangni nanggrikanirangko chel•chakna dakchakani ong•gen ine parakataha.
Assam-o ia nikronggijagipa chipuni rokomko nikaniara chipurangko ripingna kam ka•enggipa manderangni kamo nambate cholrangko on•na nangengani gimin mesokaniba ong•a ineba Dr Purkayastha aganaha.
Iandakgipa manderangna science-ni bewalrang baksa training program-rangko ong•atna man•genchimode ian chipurangko ripinganiosan ong•aigija data-rangko chimonganio kamrangko nambatatna man•gen ineba ua aganaha.
Nambate skie on•anirangchi iandakgipa manderangan chipu suanirangko chel•chakna, janggi tangrimaniko nambatatna aro songadam nokadamrango chipurangni gimin u•iatanirangko on•na man•gen.
Na·simang ia video-koba nina man·gen:
Na·simang iakoba poraina man·gen: Amritpal Singh-na dakchakgipa saksniko Punjab-ona apjitata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
