Dibrugarh, Oct 22: Assam a·dokni Duliajan samba jolo donggipa Oil India Limited (OIL)-ni pipe-oniko ma·sina man·gijagipa manderangni gas cha·una jotton ka·ani ja·man leak ong·gipa pipe-ko salbrini ja·man, Robibar salo OIL-ni manderang taripilna man·aha.
Re·anggipa October-ni 19 tarik walni 9:30 bajimango, ong·gija dakgipa manderang, Dibrugarh a·jani Duliajan samba jolo donggipa Gazal Basti-o OIL-ni pipe-ko ratenba, gas-ko cha·una jotton ka·ani ja·man, OIL-ni NHK-67 chikoloni gas aro chirang joksrue dongahachim.
Iani bidingo OIL-ni official-rang, police-rangna FIR ka·doangaha aro district administration-naba u·iataha.
Indake ong·engon, ia a·sel ong·ani ja·man OIL-ni official-rang ta·raken kamrangko ka·enba, leak ong·e dongenggipa pipe-ko Robibar salo taripilna man·aha.
Iakoba poraie nina man·gen: Jowai-o Wildlife Week manianiko matchotata
Watch
