Boko, Apr 30: Re•baenggipa October 1 tarikonide Assam a•doko ration card donggipa nokdangrang, dingtang dingtang cha•ani bosturang, jekai dal, cha•ani to, kari aro uandakgipa bosturangko komia damo ra•na man•gnok ine Budbar salo, Assam a•dokni Chief Minister Himanta Biswa Sarma, Goalpara a•jani Dudhnoi Assembly constituency-ni ning•o donggipa Rongjuli Sarapara kal•chakramo, Panchayat election-na campaign ka•engmiting somoio jinmana parakataha.
Domestic LPG-ko gong 650 ka•e man•gnok aro Ujjwala scheme-ni namgniko man•enggipa manderangba LPG-rangko, gong 250 ka•e ra•na man•gnok ineba Sarma ku•rachakaniko on•angaha.
Assam-o BJP sorkarini chu•sokatgipa kamrangni gimin janapatengon, batanggimin bilsibri atani gisepon lak 1.5 chadamberang, sorkarini kamrangko man•aha aro matric pass ka•gipa chatro chatrirangna gong 300 ka•e aro degree donggipa chadamberangna kamrangko man•kujaskal gong 2500 ka•e sorkari on•na a•bachengataha ine Sarma aganaha.
Ia tom•anio ua Congress dolko matnange aganangskaengon, Assam-o BJP sorkari jako ra•na skang, dingtang dingtang jatrangni gisepo golmal ong•anirangko nikna man•rongachim ine Assam Chief Minister aganaha.
Congress dolni kosako matnange aganangkuengon, Congress dolni dilgipa Gaurav Gogoi an•tangan Pakistan a•songona re•anganiko jinmana parake on•aha aro ian Congress dolni, bobil dolrang baksa jak donganiko mesokani ong•a ine Sarma matnangataha.
Na·simang ia video-koba nina man·gen:
Na·simang iakoba poraina man·gen: Social media-o Pope Francis-ni kosako kragija kattarangko seanina Garo Hills Catholic Union kema bichina dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
