Guwahati, Oct 5: Assam-ni Silchar a•jao, atchigital bi•sako siaha ine doctor-rangni parakgimin manggisiko Budbar pringo so•na ine tariengmitingo, ia bi•sa tangkuenga ine u•ina gita man•aha.

Ia obosta ong•ani bakan, Silchar a•jani Malinibil jolni manderang jinma hospital mikkango tom•enba ua private hospital-ni authority-rangni kosako jegalaniko dakangaha.

Atchigital bi•sani pagipa Ratan Das-ni kobor ra•timgiparangna parakatani gitade, an•o jadok ong•gipa uni jikgipako Silchar-ni private hospital-ona Mongolbar attamo rimangahachim jeon ma•gipani an•o donganio neng•nikanirang dongani gimin ia bi•sa stillborn ba ok ning•onin janggi grie atchibaaha ine doctor-rang parakatenba, Budbar pringo ia bi•sani manggisiko uamangna katome on•atahachim.

Indake ong•genchimoba, Silchar crematorium ba manggisiko so•chakram biapona sokangani ja•mano bon•kamgipa niam retiko matchotatna ine katome donenggipa manggisiko kulie nion ua bi•sa grapaha aro ia bi•sako sanna gita hospital-ona ta•raken rimangpila ineba ua agandapangkuaha.

Indake ia nokdangni manderang hospital aro doctor-ni kosako FIR-koba ka•doangaha.
Jolo songdongenggipa manderangba, bi•sako siaha ine parakatna skang name porikka ra•e nichengna nangachim ine agantokaha.

Indake ong•engon, ia bi•sako siaha ine parakatna skang kanta chetna kingking name nirokaniko dakahachim ine hospital-ni official-rangba aganskaaha.

Iakoba poraie nina man·gen: Sikkim-o chi bananichi mande sia sak 14 batanga, sak 100-na baten gimaenga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub