Guwahati, Feb 11: Assam a·doko, Motor Vehicle Act 1988-o dongimin niamrangko pe·e, garirango ‘siren’ aro gitchak/tangsim dakgipa light-rangko chate jakkalengani gimin Assam-ni police-rang, ia ‘Siren gang’-ni garirangko rim·na a·bachengataha.
Manderangko salgake katanio jak donggipa Arin Kataki-ko rim·ani ja·man, uni parake on·anio pangchake Assam-ni police-rang, niam pe·e ‘siren’-rangko aro gitchak/tangsim dakgipa light-rangko chate jakkalenggipa bolsku garirangko rim·na man·aha aro da·o gipin garirangkoba rim·na sandiengkua.
Guwahati-ni Deputy Commissioner of Police (Traffic) Jayanta S Borah-ni kobor ra·timgiparangna aganani gitade, ia ‘siren gang’ dolni manderang, ambulance, sorkari official-rang aro VVIP-rangni garirango jakkalgipa ‘siren’ aro gitchak/tangsim dakgipa ‘headlight’-rangko an·tangtangni garirango chate jakkaltokengachim aro iani bidingo police-rang, re·anggipa January 26 tariko, mande saksako salgake katanio jak donggipa mandeko rim·ani ja·mansa ma·sina man·aha.
Iakoba poraie nina man·gen: Taridapenggipa M’laya Building Bye-Laws 2021-ko M’laya Cabinet ra•chaka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
