Guwahati, Nov 7: Assam a•dokni Cachar a•jao, lower primary skul damsani head teacher saksako, jaktango atte bolsako ra•e skulona re•baahani gimin kamoniko ra•galataha.
Ia skigipani atteko jaktango ra•e skulona re•baani video-ko social media-rango watpripraatani ja•man, ia skigipani kosako police aro education department ta•raken ja•kuko de•aha.
Ia skigipara, Silchar-o donggipa Tarapur joloni bilsi 38 ong•gipa Dhritimedha Das ong•achim aro ua bilsi 11 batpile, Radhamadhab Buniyadi School-o skigipani kamko ka•engahachim.
Sonibar salo, police-rang skuloni phone ka•atako man•soe skulona dariangon, ia skigipani atte ra•e dongako nikeaha.
Police-rangni u•iatani gitade, ia skulni gipin skigiparang kamtango gisik nangjaengani giminsa ua atte mesoke skigiparangko kenatna gita skulona atte ra•e re•baaha ine ia skigipa police-rangna ku•rachakaha.
