Guwahati, Mar 3: Assam a·doko cancer saaniko man·gipa manderangna nambate nirok sandianirangko on·na man·na gita Guwahati songjinmao gital rikgipa Cancer hospital-ko Assam a·dokni Skotong Minister Himanta Biswa Sarma nokdonggae on·angaha.
Assam a·doko ian damskugipa cancer hospital ong·enga aro ia hospital-ko gong crore 395 koros ong·e rikaha ine Sarma parakataha.
Assam-o world class cancer care network-ko rikna gita Assam sorkari, gong crore 3,600-na baten tangka paisarangko chamatenga ineba Assam CM parakataha.
Ia cancer hospital-ko nokdonggae on·na man·ahani gimin an·tangni kusi ong·aniko parakatengon, salsa skangsan ua Silchar-onaba re·ange, Assam Cancer Care Foundation-ni rikgipa cancer hospital-ko nokdonggae on·baaha ine Sarma aganaha.
Na·simang iakoba poraie nina man·gen: Food Security Campaign-na A·chikkuchi tarigimin gitko DC opraka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
