Guwahati, Apr 17: Assam a•dokni police-rang, Bharatiya Janata Party (BJP)-na kam ka•giparang gitasa an•tangtangni kamrangchi mesokenga ine matnangenba Sukrobar salo, Congress dolni dilgiparang, Assam Pradesh Congress Committee (APCC)-ni president Bhupen Borah aro Congress MP Pradyut Bordoloi-ni dilanichi, Guwahati songjinmao donggipa Director General of Police (DGP)-ni office-ona jinma re•jomangaha.
Jinma re•jomaniko Rajiv Bhawan-o donggipa Congress headquarter-oni a•bachengataha indiba DGP office a•palo uamangko chel•chakgipa sipai dolrang champengsoaha.
Uamangni tom•tome re•jomaniko aro jingjengataniko police-rang champengna jotton ka•aha ineba Congress dolni dilgiparang matnangaha aro police-rang baksa iandake nanggrikani ja•man uamang, DGP office a•palo jingjengatanirangko dakangskaaha.
Iani bidingo kobor ra•timgipa manderang baksa agangrikengon, uamang police-rangko BJP-ni agent gita kam ka•jachina aganengachim maina police-ni kamde darangnaba mikkang niteani gri niam retiko rakkianisa ong•a. Indake ong•genchimoba Assam-ni police-rang da•o Congress dolko ka•mikkenatskaenga aro Congress dolni candidate-rangko campaign ka•jachina ka•mikkenatenga ine APCC-ni president Bhupen Borah aganaha.
Police-rangan uamangni kosako kam ka•enga ong•ode maikai political dolrang, election-o susana man•gen ineba Borah sing•doataha.
Borah-ni agangipa kattarangna Congress MP Pradyut Bordoloi-ba chakpaaniko on•angengon, Assam Police-kode Chief Minister aro Home Minister-sa puppet gita jakkalenga aro iani a•selan Assam-o Congress dol jakgitele kamko ka•na man•jaenga ine parakataha.
Na·simang ia video-koba nina man·gen:
Na·simang iakoba poraina man·gen: Thaidawr Hills-ona rama tariani bidingo Mizoram-Tripura sima-o nanggrikangtaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
