Guwahati, Aug 21: Assam a•dokni dam 25 a•jarango salantian porikka sena kanta 4 skang mobile phone-ni internet-ko Assam Sorkari dontongatenga. Ian sorkarini ge• 27,000 third aro fourth grade-ni biaprango kamna mande rimnapna porikka seanina ja•ku de•ani ong•enga jedakode porikka \sena tarisogimin sing•anirang mobile phone gita nakatsoe porikka sena skangan sing•anirangko man•soani ba niksoaniko champengna man•gen.

Uandake A•dok Sorkari, a•ja ge•antini Deputy Commissioner-rangna porikka seaniko name chu•sokatna gita SOP (Standard Operating Procedure)-ko rake ja•rikchina ge•etanirangko on•aha. A•doko kamna mande bang•e rimnapanirangna porikka ong•atanirango, mobile phone gita sing•ani lekkarangni nakatsoanirangko bang•bata changon chagrongrongenga.