Shillong, June 1: Assam Regimental Centre, Shillong-o Agniveer-rangni gittamgipa batch-na attestation aro passing out parade-ko ong•atanga.
Shillong, Happy Valley-ni Parson’s Parade Ground-o ong•atgipao sak 658 Angniveer-rang ku•mitchetanirangko dakenba chu•sokangaha. Ia parade ba re•e mesokaniko, Assam Regimental Centre-ni Brigadier Neelesh Anand Pagulwar, SC, SM, VSM, Commandant nirikaniko dakangaha.
Ia attestation aro passing out parade-ko ong•atanian, Training centre-o Agniveer-rangni skie ra•ani matchotaniko mesoka. Ia chu•sokgimin Agniveer-rang, dingtang dingtang Assam Regimental Unit-rango kamrangko ka•anggen. Ia attestation aro passing out parade-ko nirikgipa Reviewing Officer, an•tangna chanchigija a•songna on•kange kam ka•ani aro North East aro Assam Regiment-ni a•songko rikanio on•gilanirangko sulsul u•iatangaha. Ia tom•anio, Agniveer-rangni sak 2000 ma•a parang baksana uamangni ba•rimarangba bak ra•angpaaha.
Rasong chagipa ma•a parangna, uamangni detangtangko on•kangenba a•songna dangdike on•a gita watatahani gimin mittelpilskaani gita “Gaurav Padak”-ko on•angaha.
Na·simang ia video-koba nina man·gen:
Na·simang iakoba poraina man·gen: LS election pu•onaniko channani sal ong•nasiengon, Megh CEO Pol party-rang baksa tom•e chanchirima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
