Dibrugarh, Oct 27: Re•anggipa October jani 25 tariko sianggipa bilsi 95 ong•gipa, Indian Army-ni Subedar Deepak Lama, jean chang 3 a•songna dakgrikanio bak ra•angahachim uko mande ra•aniko dakanggen. Deepak Lama, 1933 bilsio Darjeeling-ni chonbegipa songo atchienba, 1949 bilsio uni bilsi 16 gapon Indian Army-o Rifleman ba slai ra•bittimgipa dake napenba, 8-gipa Battalion-ni The Gorkha Rifles dolo donge an•tangni kamrangko ka•angan baksana, chang 3 a•songna dakgrikanio gisiko nange bak ra•angaha. Uni ia dakgrikanirango bak ra•aniara uni aiao inmanpilgipa ka•dongani, kim•kim ong•ani aro an•tangna chanchipilgija a•songna kam ka•anirangko mesoka.
1962 bilsio, Subedar Deepak Lama (Retd), Ladakh-ni Eastern Front-o China-ni Army-rang baksa a•songtangna dakgrikangaha. Ia sianggipa sipai, China a•song baksa dakgrikanio salbrina joljol Light Machine Gun (LMG)-ko chalaiangenba, China-ni sipai dolrangna bang•a sinjetanirangko on•angaha. POW-ni gita China-o uko ja 4-na rim•e done watpilkuja dipetde ia sipaiko sijok ba gimaenga ine chanchipahachim.
1965 bilsio Pakistan baksa dakgrike, Lahore-ko sekdraanioba ia sipai aro uni ka•rimskarang mongsonggipa on•gilgiparang ong•paa. 1971 bilsioba, Subedar Deepak Lama, Chittagong Sector-o dakgrikangaha.
A•songna dakgrikpagipa ia sipai, Gurkha Society aro Labour Union-ni gita songsalna bang•a namgnirangko ra•bana gisiko nange kam ka•gipa member saksaba ong•paa.
Subedar Deepak Lama (Retd)-ni janggi tangani da•oni chadamberangna namen didiani ong•a aro uni a•songna gisiko nange dangdike on•aniko pangnan gisik ra•anggen.
Na·simang ia video-koba nina man·gen:
Na·simang iakoba poraina man·gen: EJH-o Tuber Chohchrieh Khliehpynthor View Point-ko Tourism Minister oprake on·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
