Shillong, March 24: Assam Rifles, India-ni gitchambatsranggipa paramillitary force, uamangni gitcham sipai dolrangni ka·dongani aro an·tang janggitangko on·kanganina mande ra·pilskaaniko dakna uamangni headquarter Shillong-o Veterans Day-ni salko maniangaha. Ia manianio, sianggiparangna pulrang donani, a·gipibatgipa officer-rangni aganprakani baksana a·gipibatgipa sipairang aro sianggipa sipairangni jikdrangrangko mittelpilskaaniko dakangaha.
Director General, Lt. Gen Vikas Lakhera, India-ni Salgro Salaram jolo donggipa a·dokrangko naljoke rakkianina Assam Rifles-ni gitcham sipai dolrangko de·mittelangaha. Kamoni neng·takgimin manderangna dal·begipa re·jomanikoba ia salni bako ong·atangaha, jeon award man·pilgimin sipairang, sianggipa sipairangni jikgiparang aro uamangni nokdangni manderangko man·chape chu·gimik sak 118-na batpile manderang bak ra·angtokaha. Ia tom·bimonganio, sana banani, bank account kulie on·ani baksana “Serving Those Who Served Us” ingipa katta bichongni ning·o neng·nikanirangna dakchakanirangkoba on·angaha.
Assam Rifles, India-ni sak 97,264 kamoni neng·takgimin sipairang aro sak 587 Veer Naris ba sianggipa sipairangni jikgiparangna dam 35 ARSENA center-rang aro Nepal-o donggipa dam 3 pension office-rangchi dakchakaniko on·enga. Ia tom·bimonganiara, Assam Rifles-ni itihas-ko mande ra·an baksana Assam Rifles dolni gitcham sipairang aro da·o ka·enggipa sipai dolrangko apsan tom·bana dakchaka.
Na·simang ia video-koba nina man·gen:
Na·simang iakoba poraina man·gen: EKH-o mikka baksa stilrang jimbee onanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
