Assam, July 7: Assam-ni Sivasagar private skul-o poraienggipa bilsi 16-ni chatro saksa, chemistry-ko skigipa bilsi 55 ong•gipa, Rajesh Baruah Bejawada-ko classroom ning•ao chakkuchi su•e so•otaha. Police-rang uko rim•enba sing•sandianirangko dakenga.
Sonibar salo police dolrangni u•iatani gitade, Rajesh ua chatro-ko uni skigipa subject-o name dakjahani gimin manengenba skulona uni ma•a pako rimbachina gita aganatahachim.
“So•otgipa chatro skuloni ong•katangenba, skul uniform-ko bodole re•bapilenba so•ota man•gipa skigipani class-ona napbaa. Skigipa uko ka•sine class-oni ong•katangchina aganoba knaja dake dongani giminsa skigipa uni kosako chrike aganahachim,” inenba ia misilbegipa ong•a obostako nikgipa skulo poraienggipa chatro saksa media-na aganangaha.
“Ka•o nanga amjaenba, bia jep-o donggipa chakku-ko bikotenba skigipani sko-o su•choka aro su•doaniko dakaha. Chinga uni jako matsrangipa bostu dong•a ineba u•ijachim, indake chingni skigipa an•chirara a•ao ga•ake dongengachim,” inenba mikrontangchi nikgipa saksa agandapangkuaha.
Su•a man•gipa skigipako, ta•rake sanna bannaniko on•a gita Dibrugarh-ona ra•angmiting somoion saknaa amjae hospital sokna skangan janggi galaiaha. Iani gisepon, maini a•sel skigipako chakkuchi su•ahachim u•ina gita man•kujaenga.
Na·simang ia video-koba nina man·gen:
Na·simang iakoba poraina man·gen: KSU a•dok sorkarini kosako jegale ILP checkpoint-o dongpenge am•sandianiko daka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
