Guwahati, Sep 19: Assam sorkarini kangal cha•asianiko bon•atna miksonge bikotgipa ‘Orunodoi’ scheme-ni gittamgipa bakko, Bristibar salo Guwahati-ni Janata Bhawan-o, Skotong Minister Himanta Biswa Sarma a•bachengate on•angaha.
Ia scheme ning•o, sak 37.2 lakh beneficiary-rangna ba ia scheme-ko man•gnigipa manderangna, uamangni account gita tangkarangko jaantian chipe on•anggen.
Ian Assam a•doko Direct Benefit Transfer (DBT)-ko jakkalanio dal•batsranggipa scheme ong•enga, jeon, gnigipa bakna bate, gittamgipa bako sak 12.5 lakh mangni gita ia scheme-ko man•giparang baridapaha.
Ia tom•anio a•dokni Skotong Minister, Himanta Biswa Sarma, gital beneficiary-rangna Orunodoi card-rangkoba suale on•angaha.
Ia scheme-ko a•bachengataniara, kangal cholgri nokdangni me•chikrangna uamangni account-o jaantian jani 10-gipa salo gong 1,250 tangkarangko chipe on•anichi uamangko bil gnangbatatna ine miksongani ong•achim.
Na·simang ia video-koba nina man·gen:
Na·simang iakoba poraina man·gen: ECD-na Guidelines for Monitoring Childhood Development Tool-ko CM a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
