Guwahati, April 23: Sombar salo, Silchar-o donggipa Assam University-ni Professor Debashis Bhattacharya aro uni nokdangni manderang, Jammu and Kashmir-ni Pahalgam minggipa biapo bobil dolrangni chadrapaoni rasong gnange jokaha. Uamangni nitogipa biaprangko niroroe romiting somoio slai ra·bitgipa bobil dolrang rang·san slai gona a·bachengaha. Uamangni nokdangni manderang ta·raken bol mittinrango donue chakrikaha. Mande saksako uamangni mikkangon goenba so·otani a·sel, uni chola gangipa shirt-o an·chirang til·dapaha ine Professor Bhattacharya u·iataha.
Chadrapgipa dolrang, uamangni nokdangni manderangko slai jotdikenba muslim-rangni bi·ani Kalima-ko mingna ge·etaha. Rasong gnangbee uamangni nokdangni manderang Muslim banggipa biapo dongpagipa ong·enba ua bi·aniko bi·na gita man·aha aro iani a·selan uamang siaoni jokahakon ineba ua aganaha. Uasan ong·aigija, Kalima-ko mingna man·gijagipa songrebagipa saksako uamangni mikkangon goe so·otaha ineba uamang janapataha.
Chadrapgipa dolrangni re·anga jaman uamang a·brirang gita konta 2-na ja·achi re·angenba, mobile signal man·ahaon uamangko Srinagar-ona salanggipa gari driver-na call ka·ataha aro uamang Srinagar-ona joljol re·angenba, Pahalgam-o waltuna miksonganiko dakjaha ineba ua aganangkuaha.
Gipin a·songoni songrebagipa sakgni tourist-rangko man·chape, bobil dakgipa dolrang sak 28 songrebagiparangko goe so·otgalaha. “Kashmir Resistance” ingipa bobil dolrang ia chadrapaniko dakataha ine a·kangatengon, ia a·kangataniara kakket ong·ama ong·ja uko official-rang name am·sandianirangko dakengkua.
Na·simang ia video-koba nina man·gen:
Na·simang iakoba poraina man·gen: Boko-o bengbong badinggiparangko songni manderang rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
