Guwahati, July 23: Bilsi 84 ong•gipa Assamese music composer ba gitna sul tarigipa Ramen Baruah-ni rang•san gimaani uamangni jatna namen dukniko ra•baaha. Baruah, Guwahati-ni Latasil jolo sombar pringoni gimaengachim aro ua saloni konta 24 ong•na am•pilonaba mamingba kobor dongkujaengachim.
Saksa mingsinggipa artist, Baruah dingtang dingtang Assemese jawilwatrang jekai, “Dr. Bezbarua,” Baruar Songar,” “Mukuta,” “Lalita,” “Kokadeuta,” aro “Nati Aru Hati,” ingipa ia jawilwatrango music-rangko composed ka•aha. Ua saksa jawilwat tarigipa, git ring•rakgipa, gitna sul tarigipa, jawilwato kam ka•gipa, kal•susagipa aro bading chiwalaniko dakgipa nokdangoni ong•achim, uamang Guwahati-ni damsa mingsinggipa Latasil jolo bilsi 100 batpilgipa noko dongengachim.
Koborrangko man•soani gitade, sombar pringni 10:30 bajimango Ganesh Temple ba mondir nokona re•angaha aro ia sal intalonin uko nikja baksana uni phone-ba switch off ong•e dongenga. Jensalo, Baruah attamonan nokona sokbajaha, uni nokdangni manderang Latasil police station-na uko gimaenga ine koborko on•eaha.
CCTV footage-o Baruah-ko bonkame Ganesh mondir-ni sambao donggipa gital Guwahati High Court-ni sambao pringni 10:15 bajimango nikna gita man•aha. Uko am•sandie nianiko bilsube•e a•bachengataha inenba a•gipibatgipa police official saksa u•iataha.
Mikrontangchi nikgiparangni aganani gitade, Baruah-ko sombar salo Kachari Ghat-ni sepang jolo donggipa Brahmaputra chibima rikamo nikaha ine u•iatani a•sel, NDRF aro SDRF dolrangko Kachari Ghat-oni Pandu Ghat-ona Baruah-ko am•sandie nianiko dakatna nangao ga•akaha. Baruah-ni nokdangni manderang aro uko namnikgiparangba police dolrang baksa songjinmani dingtang dingtang biaprangoniko chongmotan Lachit Ghat, Kamakhya mondir, Sukreswar mondir, Boothnath mondir aro Uzan Bazar Ghat-rangona re•angpaenba am•sandie nianio bak ra•angpaaha.
Assam a•dokni Skotong Minister Himanta Biswa Sarma-ba, Baruah-ni rang•san gimaanina gisik suk ong•gijaniko, uni X (Twitter)-o see parakataha. “Uni indake gimaani a•sel uni nokdangni manderang, ripengska aro a•songo uko namnikgiparangna jajrenganiko ra•baaha. Anga @GuwahatiPol Sri Diganta Bora-ko, pilak cholrangko jakkalenba Baruah-ko am•samdie on•china gita u•iataniko on•manaha,” inenba Sarma parakataha.
Na·simang ia video-koba nina man·gen:
Na·simang iakoba poraina man·gen: SWGH-o Apiculture MFC-ko rikna CM-ni jakchi pangchakaniko songa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
