Guwahati, Apr 2: Assamese-rangni daka rikanirangko skie ra·dapchina gita Robibar salo, Assam-ni Chief Minister Himanta Biswa Sarma-ko Delhi-ni Chief Minister aro Aam Aadmi Party (AAP)-ni dilgipa Arvind Kejriwal didiataha.
Guwahati songjinmani Lokapriya Gopinath Bordoloi International (LGBI) Airport-o kobor ra·timgipa manderang baksa agangrikengon, batanggimin bilsi 75-na Assam a·doko Congress, AGP aro BJP dolrang sorkariko chalaiahachim indiba Assam-o namroro silroroaniko ra·baani pal ia sorkarirang, a·dokni manderangkosa cha·bokaha ine Kejriwal matnangataha.
2016 bilsio BJP, Assam a·doko sorkariko rikaha ine janapatengon, 2015 bilsio AAP, Delhi-o sorkariko rikskaaha aro ia biap damgniko tosusae nigenchimode Delhi-o namroro silroroanirang ta·rakbataha ine Kejriwal janapatenba, da·o uamang Punjab a·dokoba kamrangko name ka·engaha aro apsan daken Assam a·dokoba sorkariko rikna chol man·genchimode bang·en dingtanganiko nikna man·gen ine parakataha.
Assam-ona re·baode AAP-ni dilgipako pattoko donatgen ine Assam CM-ni agangipa kattarangko jegalatengon, Assam a·dokni manderangde gipinoni re·bagiparangko name sokachakgiparangsa ong·a aro ua Assam a·doko songdongenggipa manderangni dakbewal rikbewalrangko name skie ra·kuna nangenga ine Kejriwal parakataha.
Iakoba poraie nina man·gen: Reservation Policy-ko gital dake taritaipilchina VPP MLA-ni dabianio Ri Bhoi NGO-rangba chakpaaniko on·a
