Guwahati, Feb 4: Re·anggipa Mongolbar attamo Assamni Bodoland Territorial a·jani saliramchipakgipa Kokrajar districtni Gossaigaon jolo dakgrikani silchidare aro jakni bombko goani ostro ra·bitgipa sak dok-ko Assam Police rim·aha.
Police ja·pangoni u·iatani gitade uamangoniko man·gimin bosturangara bol 5 AK-56 rifle aro katop 8 gulirang, bolsa HK 33E rifle, ge 11 bikrokrang aro Under Barrel Grenade Launcher (UBGL) bolsa, Chinao tarigipa rong 8 jakni bomb aro
AK 56 rifle ni rong 300 gulirang ong·a.
Gossaigaon Police Station ni ning·aogipa Niasraibil songo u·igijagipa manderang dakgrikani silchidarerang baksa Scorpio gari No. AS-16-4165 o re·winie roenga ine srik srik kobor ko man·an ja·mano i/c. Mithun Tuye ni sandirikitdilanio uamangko walni 7:30 bajimango rim·na man·aha ine u·iataha.
Rim·e bichal ka·on uamangko 35 ong·gipa Samanjay Basumatary jekon Bogla ineba mingklaka, Ganda ine mingklakgipa bilsi 25 ong·gipa Rubinath Narzary, Langkhu ine mingklakgipa Pungka Basumatary, Mamo ine mingklakgipa Mwktang Basumatary, bilsi 34 ong·gipa Manipal Mushahary aro bilsi 26 ong·gipa Swmkwr Basumatary ong· a ine ma· sina man·aha.
Ning·tubate sing·sandina uamangko Judicial Magistrateni Office ona rimangchenge Thana ona rimangaha ine Gossaigaon Police Station ja·pangoni u·iataha.
