Shillong, Feb 7: Re•baenggipa February jani 16 tarikoni 27 tarikona ong•atenggipa Assembly-ni budget session-o nangrime kamko ka•na gita, Congress party-ni gita, dolgni opposition party, chongmotan, All India Trinamool Congress ba TMC aro Voice of the People Party (VPP)-na ku•mongan baksa lekkako sedoataha.

“Da•o re•baenggipa February jani 16 tarikoni Assembly-o budget session-ko a•bachengatengaha, ia session-o dolgittam opposition party-rang, a•jao neng•nikenggipa obostarangni bidingo apsan ku•mong nangrime kamko ka•na gita, chingni miksonganirangko uamangna(TMC aro VPP-na) lekkao sedoataha. Indake, uamangni aganchakaniko chinga sengsoenga aro namgipa aganchakaniko man•a gita ka•dongsoenga” ine Opposition party aro CLP-ni dilgipa Ronnie V Lyngdoh aganaha.

Ia session-o opposition party-rangni asonggni biaprang chu•gimik ge 14 gnang, jeon, ge 5 Congress-ni, ge 5 TMC-ni aro ge 4 VPP-ni ong•achim.

Assembly-ni dingtang dingtang opposition party-rang ong•genchimoba ia party-rang ma•ekatako man•kujaenga aro ia dolgittam party-rang nangrime kamko ka•na man•genchimode nambatgenchim ineba Lyngdoh aganangaha.

Iakoba poraie nina man·gen: Guwahati songjinmani Radisson Blue Hotel-o mande saksako so•otanina sakgniko rim•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub