Tura, Nov 30: Meghalaya Legislative Assembly-ni Speaker, Thomas A Sangma, Tebronggre song sepango donggipa Waramsongma songo rikgimin International Inter-Cultural Research Institute (IICRI)-na pangchakaniko songe on•aha.
Ia tom•anio, Germany-ni EWM-ni Head of Desk: Theology & Ecumenism, Dr. Silja Joneleit-Oesch mongsonggipa sokgipa ong•e bak ra•angaha aro una agreba, mande ra•ako man•a kragipa dingtang dingtang department-ni official-rang, songni manderang aro Wagamgre songni Nokma dongpae ia tom•anio bak ra•angaha.
Indake, Harding Universal Trust, Tura ia Institute-na pangchakaniko songe on•ahanina, Speaker Thomas A. Sangma-ko mitelpilskaaniko dakangaha.
Ia Institute, ia chasongni scholar-rangko uamangni sandirikkitani kamrango didiani ong•gen aro ian a•gilsak gimikoni mingsinggipa researcher-rangko salbaani cholba ong•enga. Ian dingtang dingtang dolrangni bebera•ani aro toromrangni gisepo nangrimgrike kam ka•na chol on•aniba ong•a.
Iandakgipa cholrangko on•enganiara, a•gilsak gimikoni dingtang dingtang dolrangko nangrimatna aro bakrime gitalgipa technology-rangko jakkale kam ka•anichi poraianio aro sandirikkitaniko dakanio tang•doatani cholba ong•gen.
Na·simang ia video-koba nina man·gen:
Na·simang iakoba poraina man·gen: Jowai-o donggipa District Jail-o UTP saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
