Guwahati, Aug 11: Automated Teller Machine (ATM) booth-rango manderangko cha•boke ra•gipa mande sakgittamko Bristibar salo, Assam police-rang, Morigaon a•jaoniko rim•na man•aha.
Police-rangni u•iatani gitade, rim•ako man•gipa mande sakgittam, ATM booth-rango manderangko tangka okna dakchakmika dake, uamangni ATM card-rangko bodolrikenba, tangka paisarangko oke katrongachim.
Ia manderangni iandake cha•boke ra•aniko kobor man•soani ja•man Assam-ni police-rang, ta•raken kamko ka•enba, ia manderangko rim•na man•aha.
Iani bidingo kobor ra•timgiparangna talate on•angengon, Nagaon jolo dingtang dingtang manderangni ATM card-rangchi tangka paisarangko oke kataha ine Bristibar attamni 7:00 bajimango koborko man•soani ja•man Nellie police outpost-o check post-ko donatenba, re•ruraenggipa manderangko nirikkina a•bachengataha aro iandakmiting somoio gari bolsa, ua biaponi katna jotton ka•enba, ramasamo peng•e dongipa siltongo chagake a•sel ong•aha ine Morigaon a•jani ASP Samran Baishya parakataha.
Ia garioniko police-rang, manderangko cha•boke ra•enggipa mande sakgittamko rim•na man•aha aro uamangoniko king 45 ATM card-rang, gong 8000 tangkarang, PSU machine, PAN card-rang aro gipin lekkarangko man•aha ineba SP parakataha.
Rim•a man•gipa mande sakgittamni bimingara Hanifur Rahman, Dewan Samsuddin Ahmed aro Sahidul Islam ong•a ineba Assam police parakataha.
Iakoba poraie nina man·gen: Bilsi 12 ong•gipa me•chik bi•sako drae til•ekenba so•ote galanina jegale NGO dolrang tom•bimonga
Watch
