Guwahati, July 13: Tinsukia Division-ni Northeast Frontier Railway (NFR) dol, Avadh Assam Express-ni pantry car staff-ni kosako niamgri jabolrangko galani a•sel ja•ku de•aniko dakangaha, aro East Central Railway baksa nangrime daito ra•enba nirokaniko dakanggen ine ku•rachakangaha.
Re•anggipa July jani 11 tariko Avadh Assam Express-ni pantry car-ni kragija jabol galani jawilwat baksa social media-o, sepangjolo donggipa mande saksani badi ka•anina aganchakani gita Tinsukia Divisional Railway Manager (DRM) ta•raken ja•ku de•aniko dakataha.
“Badi ka•aniko man•soa bikan, Tinsukia-ni DRM, jean Avadh Assam Express-ko nirok simsakaniko dakenggipa ong•achim, ua rang•sanan Indian Railway Catering aro Tourism Corporation (IRCTC) baksa ku•mongenba pantry car-ni staff-rangko tangka gong 15,000-ko dai gamatna tik ka•angaha. Una agreba, pilak rail garirangko rongtal an•tale rakkichina rak•en mikrakataniko on•angaha. Uasan ong•aigija, East Central Railway-ni Railway Protection Force (RPF) baksa nangrimenba, ia kragija kamko ka•gipa contractual staff-rangko am•sandianiko dakatanio, pantry car-ni staff-ni mandeko rim•na gita man•aha aro mikkangchiba iandakgipa obostarang ong•jachina gita uni kosako, Railway Act-ni ning•o case-koba segataha,” inenba ua u•iatangaha.
Songregipa sakantinan rongtal an•talgipa aro naljokgipa songre songabataniko on•a man•a gita, songregipa ba rail-o kam kagipa sakantikon ia indakgipa kragija kamrangko nikgenchim ong•ode ta•raken koborrangko on•china gitaba u•iataniko on•angaha.
Na·simang ia video-koba nina man·gen:
Na·simang iakoba poraina man·gen: Kuki-Zo jatrangna Union Territory-ko songe on•china ITLF dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
