Tura, Mar 25: District Medical & Health Office, North Garo Hills a.jani Bajengdoba PHC-ni ning·o donggipa Te·kagre songo Ayushman Bharat Health & Welness Centre(AAM)-ko Bajengdoba constituency-ni MLA Pongseng R Marak, Mongolbar salo nokdonggae on·angaha.

Ia nokdonggaani salo Bajengdoba-ni MLA Pongseng R Marak aro North Garo Hills-ni Deputy Commissioner Dr. Abhishek Saini mongsonggipa sokgipa ong·e bak ra·angaha. Unbaksana DM&HO Dr. Priya Sengse R. Sangma, SDM&HO Dr. Niranjan R. Marak, SDM&HO Dr. A M. Sangma, Bajengdoba PHC-ni Incharge Medical & Health officer Dr. Elvera B. Sangma, Bajengdoba Police station ni Circle Inspector, Sorder aro una agreba songni pilak manderangan dongpae bako ra·angtokaha.

Ia nokdonggaani salo MLA Pongseng R Marak jinmana aganprakengon, namgipa sal aro somoiko man·anina skanggipa Nokgipa Isolko mitele aro a·dokni skotong Minister ko de·mitele agananiko dakangan baksa songadam nokadamrango neng·nikanirangko ba nangnikanirangko u·ichake nangani kri iandakgipa sanchakram biaprangko an·tangni jolo dongenggipa manderangna ka·sae sanchakram biapko on·atahanina mitelpilskaaniko dakangaha.

Iani gisepon iandakgipa sanchakram biaprangko man·engon jeje facility-rangko Medical team-ni gita on·engachim uarangko man·a dipet ra·china aro sana bananirangko dakchinaba MLA songni manderangko didiangan baksa an·o donggipa ma·giparang chel·a biaprangchi re·angna nanggijan ia Health Centre-on Check-up rangko ka·na man·gnok aro iasan ong·aigija chonchona sabisi rangkoba ianon sana bananirangko dakna gita man·gnok ineba ua talate on·angaha.

Indake songni manderangna jedakgipa sanna bannaniko rangkon iano on·gen uarangko re·bae ra·china didiatan baksa sanna bannaniko ra·na re·baanio maiba u·igijanirang donggenchimode Medical Team ni manderango sing·china ineba talataniko dakangaha.
Iarangna agreba, ia Centre-on dongkame songni manderangko name nirok simsake sana bananirangko dakchina ba dakchakaniko on·china gitaba medical dolni manderangkoba ua mol·molangaha.

Uni gisepon NGH-ni Deputy Commissioner Abhishek Saini-ba jinmana aganprakangengon, iandake ning·tugipa ba dil·tugipa biaprangona iandakgipa sanchakram biaprangko songni manderangna ra·bae ba rike on·anina songni manderangna namgipa skaniko on·angaha aro ma·giparangko, bi·sarangko aro dal·giminrang pilakon re·baemingna sana bananiko dakchina ba ra·china didianiko dakangan baksana an·o donggipa ma·giparang aro bi·sarangni janggiko gimaataona sokatjana gita man·a dipet sanna bannaniko somoi gita ra·na nanga ineba ua ku·pattianiko on·angaha.

Na·simang ia video-koba nina man·gen: 

Na·simang iakoba poraina man·gen: Tura-o cha·ani tarie palenggipa dokanrangko sandi nirokchina District Admin ge·etaniko on·a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub