Tura, Sep 29: Ayushman Bhava campaign-ko Tura songjinmani sepango Edenbari songo donggipa Harding Theological College-o a•bachengate on•nangaha. Ia program-ko ong·atanio bang·a dingtang dingtang be•en bimangni an•seng baljoke dongna nangani bidingo jolo songdonggipa manderangna mikrakatani kattarang baksana sana bananirangkoba on·angaha.
Tom·aniko Senior Medical & Health Officer aro RKSK-ni Nodal Officer Dr. Lincy K. Marak dilangaha aro rimchaksoani kattarang baksana Keynote address-ko Senior M&HO aro CPHC-ni Nodal Officer Dr. Jacob R. Marak on•angskaaha.
Tom·aniona mongsonggipa ong•e sokbagipa West Garo Hills a·jani District Maternal & Child Health Officer Dr. Ivonne M. Sangma, jinmana agan-talataniko dakangengon, manderangni an•seng baljoke donganina miksonge ma·mong sorkarini a·bachengatgipa scheme-rangni bidingo talatangenba, “Darang mandeba sanne nampilna man•gipa sabisichi darangba sina nangja, jekai TB iako seng·gnang a•bachengoni name check-up ka•e samrangko ringode chu·gimik an·sengpilna gita man·aia aro batrikrikgijagipa sabisi jekai Diabetes, hypertension, blood pressure aro stroke-rangna name sanna bananirangko ra·ode sina nangja aro iarangna antirikkitan program-rangko ong•ate samrangko on•enga, ” ine janapataha.
Uni jinmana agandapkuanio, “Ia salo World Heart Day-ko manianiba ong·a aro iako a•gilsak gimikon manienga. Ia salko maniengon nang·ni janggi tanganio nang·na be•en bimangni an•seng baljokaniko nanga unosa janggi tanganio kusiniko man•a,” ine Dr Sangma janapangenba, a·gilsako 80% ka·tongni sabisiko man·giparang somoi gita an•tangtangko check-up ka·enba samrangko somoi gita aro an•chingni cha•a ringa janggi tangani bewalrangko dingtangatachisa name an•seng baljoke dongna gita man·enga ine parakataha.
Ia campaign-ko oprakatani ja·mano Edenbari LP skul noko dingtang dingtang sabisirangko porikka ra·e niangan baksana, an•chi ra·ani, sugar test ka•ani, pressure niani, Yoga, TB test ka•ani aro chadamberangna gisikni bringbranganiko namatna agan-ku·pattianirangkoba on·angjolaha.
Iakoba poraie nina man·gen: A·gilsak gimikchi manianga gitan, Eid Milad-un-Nabi-ko Shillong-oba maniangpaa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
