Shillong, Sept 26: Start Up India aro PRIME Meghalaya nangrimenba, India a·songni jakgitelaniko man·aoni bilsi 75 gapaniko manienggipa ‘Azadi ka Amrit Mahotsav’-ni bak gita dingtangmancha entrepreneurship program-ko JN Stadium-o donggipa Prime Start-up Hub-o ong·atangaha aro ia program-ko ong·atanio Meghalaya Farmers Commission-ni Chairman KN Kumar (Retd IAS), mongsonggipa sokgipa ong·e bakko ra·angaha.Ia program-ko ong·atanio Meghalaya Farmers Commission-ni Chairman KN Kumar, jinmana aganprakengon, sorkarini on·enggipa dingtang dingtang bading chiwalani scheme-rangni bidingo, bakko ra·anggipa manderangna talate on·angaha aro Prime Startup Meghalaya-ni gita mai dakgipa cholrangko bading chiwalgiparangna on·engachim, uarangni giminba chanchirimdilangaha.

Ia program-ko ong·atanio a·dokni bading chiwalgiparang baksa chanchirimangengon, Meghalaya a·doko gama ge·anirangko tang·doatna kamko ka·enggipa ‘Zizira’, maikai game ge·e cha·giparangna aro bading chiwalgiparangna janggi tangani cholrangko on·engachim, uarangni giminba talate on·angjolaha.

Korosrangko komiate namgipa bosturangko man·na gita dakchakanirangko on·ani giminba ia tom·anio bading chiwalgiparang baksa chanchirimangaha.