Guwahati, Oct 31: Batanggimin bilsi 10-ni gisepo gong crore lak 3-mangni national highway project-rangko chamatenba salgro salaram jolrango national highway ramarangko 45%-chi bakrodapataha ine Mongolbar salo, Union Road Transport Minister Nitin Gadkari parakataha.
Assam a·doko National Highway sorokko tariatani kamko nipilangani ja·man Pa Gadkari, kobor ra·timgiparangna agananganio, da·o tariatenggipa, tarinasienggipa aro matchotgimin project-rangko man·chape, batanggimin bilsi 10 rango gong kror lak 2,89,425 -ni project-rangko salgro-salaram a·jana on·ataha ine aganangaha.
Indake ong·engon, salgro-salaram a·jarango national highway sorokrangko apalbatatna gita mitam a·dokrango jekai, Nagaland aro Meghalaya-o bil man·giparang a·arangko ra·anio neng·nikaniko chagrongenga ine janapatenba, iani gisepon manderang a·atangtangko on·na neng·niktokgenchimode ru·utgijan a·dokna chamatgipa project-rangko chipatna nangnaba donga ine ma·mongni minister mikrakataniko on·angan baksa, salgro-salaram a·jani national highway sorokrang batanggimin 2014 bilsio km hajal 10,800 bakroaoni da·o km hajal 15,740 -ona bakrodapaha ineba Pa Gadkari parakataha.
Pa Gadkari, ge·gni scheme-rangni ning·o Assam a·dokna gong kror 800 tangkarangko chamatenganikoba parakataha.
Iakoba poraie nina man·gen: Prestone Tynsong-ko NPP-ni state president songa
Watch
