Guwahati, July 8: Badingata man•gipa Guwahati-ni sak 2 me•chik bi•sarangko, Bihar-oniko Guwahati Police dolrang jokatna man•aha.
Ia badinganio jak donggipa sak 4 manderangko police-rang rim•aha aro ia manderangara, Eurnia, Bihar-ni Gulab Bagh Zero Mile-oni Aftab Alom sagini depante Tanweer Alom (35), Barpeta-ni Baghbar-oni Jaharuddin Ali-ni depante Idrish Ali (27), Uttar Dinajpur, West Bengal-ni Panjipara Hanskunda-oni Ekbal Ali-ni jikgipa Khairun Nesa (30) aro Guwahati-ni Ganeshpara, Fatashil Ambari-oni Sukur Ali sagini depante Sikandar Ali (48) ong•achim.
Bhangarh Police Station-o badi ka•aniko man•soani gitade, ia sak 2 me•chik bi•sarang June 29 tarikoni gimaengachim. Ia sakgni me•chik bi•sarangoni, bilsi 18 ong•gipa me•chik bi•sani ma•gipa, uni demechikgipa una phone gital ra•e on•china dabiahachim, indake ong•genchimoba, uni nokdangni manderang jensomoio uni dabianiko on•a jechakahaon, ia bi•sa sakgipin me•chik bi•sani nokona re•angahachim aro ua somoionin uamang gimaaha ine aganaha.
Iani bidingo am•sandianiko dakengmiting somoio, rim•srukanga man•gipa me•chik bi•sa saksani adagipana phone ka•e gong 30,000 tangkarangko on•china dabiatahachim aro ua call ka•atgipa phone no.ko trace ka•enba Bihar-ni Purnia-oni ka•ataha ine u•ina man•a jeni a•selan ia me•chik bi•sarangko jokatanio dakchakani ong•aha ine City Police Commissioner, Diganta Barah aganaha.
Indake, jak donggipa sak 4 manderang, ia me•chik bi•sarangko gong 1,10,000 lakh-na Bihar-ni Panjipara-oni Akbor-na palatahachim aro ia mande uamangko Tanveer Alom-na pakwatatskaaha jean, uamangko Bihar-ni Rawta-o an•tang be•enko tangkana badinggipa nok te•sao kam ka•china draahachim ineba ua aganaha.
Ia a•selo jak donggiparangni kosako chu•onga gita sakkirang dongjani a•selo Idrish Ali aro Sikandar Ali-ko rim•aha aro Idrish Ali-ni jikgipa jean kate dongengachim, uko rim•naba am•sandianiko dakengkua ine Barah agandapataha.
Na·simang ia video-koba nina man·gen:
Na·simang iakoba poraina man·gen: Assam-o chi ban re•anina ta•rake ja•kurangko de•china Rahul Gandhi didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
