Baghmara, Oct 25: Sukrobar salo, Baghmara-o donggipa Captain Williamson Memorial Government College-ni bilsi 33 gapaniko maniani bak gita ia college-ni gital academic building-na nisanko Meghalaya Legislative Assembly-ni Speaker Thomas A Sangma-ni jakchi oprake on•angaha.
Ia college-ni bilsi 33 gapaniko manianio Meghalaya a•dokni Education Minister Rakkam A Sangma, Baghmara-ni MLA Kartush R Marak, Chokpot-ni MLA SN Sangma, Education department-ni Adviser HM Shangpliang, MDC Natwal S Marak, Education Secretary Ambrose Marak, Higher & Technical Education-ni Director HDB Sangma aro gipinrangba bak ra•angtokaha.
Ia tom•bimonganio, Meghalaya Assembly-ni Speaker Thomas Sangma, jinmana aganprakangengon, ia salara college-ni bilsi 33 gapaniko maniani aro apsan somoion college-na gital building-ko rikna oprakani ong•engani gimin ia college-nasan ong•aigija South Garo Hills a•ja gimiknan katchaani sal ong•enga ine parakangaha.
College-o skie on•enggiparangko aro gipin kam ka•enggiparangko gisiko nange dangdike on•engani gimin mittelpilangengon, ia college-o poraienggipa chatro chatrirangkoba chu•sokgiparang ong•na gita bimchipe poraichina Sangma didiangaha.
Iana skang, a•dokni Education Minister Rakkam A Sangma-ba jinmana aganprakangengon, ia college-ni academic building-na Rashtriya Uchchatar Shiksha Abhiyan (RUSA)-ni ning•o gong crore 5 tangkarangko chamdape on•aha ine parakatenba, chatro chatrirangko mande ong•atanio skigiparangni daitorangni bidingo agan-talatanirangko on•angaha.
Ia college-ni gital website-ko kulina aro college building-ko dal•batatna man•engani gimin an•tangni kusi ong•aniko parakatengon, dingtang dingtang porikkani result-rango South Garo Hills a•jani chatro chatrirang tang•dona man•kujaenganina an•tangni suk ong•gijaniko parakatenba, South Garo Hills a•jani pilak skulrango skie on•aniko namdapatchina gita Education Minister didiangaha.
Na·simang ia video-koba nina man·gen:
Na·simang iakoba poraina man·gen: CM-ni dilanichi skanggipa changna NGH-o Cabinet tom•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
