Baghmara, Oct 29: South Garo Hills a·jani District & Sessions Court Complex-ko Sonibar salo, Meghalaya High Court-ni Chief Justice Sanjib Banerjee, nokdonggae on·angaha aro ia Court Complex-ko nokdonggae on·anganio, a·dokni Education Minister Rakkam A Sangma, Meghalaya High Court-ni Judge, Justice B Bhattacharjee, Baghmara-ni MLA KR Marak aro gipinrangba dongpae bak ra·angtokaha.
Ia District & Sessions Court Complex-ko nokdonggae on·anganio Meghalaya High Court-ni Chief Justice, jinmana aganprakengon, ia court complex-ko somoi gita matchotatahani gimin an·tangni kusi ong·aniko parakatenba, ia gital nokko rikanichi jolo songdongenggipa manderangna kakket bichalko ra·baanio bang·a namgnirangko man·gnok aro kam ka·giparangnaba dakchakani ong·gnok ine aganangaha.
South Garo Hills a·jao donggipa sam bolrang aro do·o matrangko ripinge rakkiangkuchina gitaba ua, a·jani manderangko didiangaha.
Ia tom·anio a·dokni Education Minister Rakkam A Sangma-ba jinmana aganprakangengon, South Garo Hills a·jao ia District & Sessions Court Complex-ko rikanichi a·jani manderangna bang·a namgni ong·gnok ine sorkariko mittelpilangaha.
Iakoba poraie nina man·gen: East Khasi Hills a•jao tangka ra•seke ra•dragipa sakbriko rim•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
