Tura, March 20: Meghalaya a·dokni songadam biaprango namroro silroroaniko ra·dona miksonganio gama ge·anio, rongtal an·talanio, an·seng baljokanio aro jinma ku·monge kam ka·anio chu·sokgipa songrangko u·ina man·a gita re·anggipa 2025 bilsini March 10 tarikoni March 19 tarikona Bakrim-2025 inter-village championship-ko West Garo Hills-ni Dadenggre songo ong·atangaha.
Deputy Commissioner Jagdish Chelani, ia tom·bimongani bon·kamgipa salo Best Village Employment Council, nambatgipa Self-Help Group, rongtalbatgipa song aro nambatgipa game ge·e cha·giparangna award-rang baksana boksisrangkoba suale on·angaha. Ia program-ko ong·atanio, budu salgrikani, volleyball aro chroksusaanirangko ong·atangaha.
Bilsi 104 ong·gipa Kelson Marak-ba ia tom·bimongnio bak ra·angaha. Ia program-o doka damanirang, jaktangchi tarigipa bosturang, cha·a ringani dokkanrang aro kal·susaanirangko ong·ate jolo songdonggipa pilak manderangko apsan rim·bana dakchakan baksana sorkarini program-rangni gimin u·iatna dakchakaha.
Ia program-o dingtang dingtang award-rangko dingtang dingtang songni manderangna on·angaha.
Uarangara:
Best Farmer Award-ko Ajrigre-ni Leaving N Sangma, Best Producer (Maize) Award-ko Modelgre-ni Ruthbala N Sangma, Best Producer (Pumpkin) Award-ko Sadolpara-ni Polnen M Marak man·aha, Oldest Civilian (Men) Award-o skanggipa biapko Damal A·sim-oni Pardon B Marak, gnigipa biapko Modelgre-ni Kelson Marak man·aha, Oldest Civilian (Women) Award-o skanggipa biapko Ajrigre-ni Songrani R Marak aro gnigipa biapko Modelgre-ni Morje Marak man·aha, Best AWC Award-ko Dabigre VEC, Best Entrepreneur Award-o skanggipa Modelgre-ni Tokje Marak, gnigipao Modelgre-ni Chenitha A Sangma aro gittamgipao Modelgre-ni Jengnish C Marak man·aha, Best School Award-ko on·anio skanggipa biapko Little Flower Higher Secondary School, CSDSEO aro gnigipao Tiny Rose SSA UP School man·aha, Best Student Award-ko ming 10 school-rangni Topper-rangna on·angaha, uarangara, Little Flower Higher Secondary School-ni Topper Thuesa Ritime M Sangma, Sunrise Secondary School-ni Topper Trisline A Sangma, Tiny Rose SSA UP School-ni Topper Cheanisa D Sangma, Bethel English Secondary School-ni Topper Anera Chonkame M Marak, Dingarpara Govt. LP School-ni Topper Marysha D Sangma, Rongnabalgre SSA LP School-ni Topper Dambera B Marak, St. Andrew English School-ni Topper Silsanchi B Marak, Damal A·sim Deficit UP School-ni Topper Sengku B Marak aro Mohindro English School-ni Topper Dimrik B Marak ong·a, Best Discipline Student Award-ko man·giparangara, St. Andrew English School-ni Silnikchi Silikchi B Marak, Bethel English Secondary School-ni Rakdim B Marak, Damal A·sim Deficit UP School-ni Mikechira B Marak aro Little Flower Higher Secondary School-ni Nengrim B Marak ong·a.
Gnigipa bakni Award-rangko on·anirangara:
Best VEC Award-ko Sadolpara, Best Project (Irrigation Anal) Award-ko Modelgre man·aha aro Best PMAY House Award-ko skanggipa Dabigre songni Willingston Sangma aro gnigipao Songmaranggre-ni Waljen Sangma man·aha, Best SHG Award-ko Bolchigre-ni Masan SHG, Cleanest Village Award-ko Damal A·sim, Best VHC in Rescue Mission-ko Agigre, Best ANC practices Award-ko Masalpara, Best Highest MHIS/ABHA Enrolment Sengalgre man·aha, Drawing Competition ba noksa salsusaaniko ong·atanio, skanggipa biapko Modelgre-ni Akansha R Marak, gnigipako Damal A·sim-ni Kam A Sangma, gittamgipako Ajrigre-ni Sanreyo M Marak aro Sengalgre-ni Rakhany B Marak man·aha.
Fishing Competition ba na·tok rim·susaaniko ong·atanio, skanggipa Dilsigre, gnigipa Kantananggre aro gittamgipao Dinganpara man·aha aro consolation prize-rangkoara, Tejanggre, Kananggre, Sategre, Rangsagre songrang man·angskaaha.
Dancing Competition ba chroksusaaniko ong·atanio, skanggipao Kosigre, gnigipao Ajrigre aro gittamgipa biapo Bolchigre cheaha.
Tug of War ba budu salsusagrikanio, skanggipa Sadapara aro gnigipao Dabigre chegipa ong·aha.
Volleyball kal·susaanio, skanggipa biapko Sadolpara VEC aro gnigipa Rongbokgre Kosalgre ong·aha aro nambatgipa songara Modelgre ongsika·aha.
Na·simang ia video-koba nina man·gen:
Na·simang iakoba poraina man·gen: Assam Medical College bilsi 2-na joljol Best Medical Research award-ko man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
