Tura, May 6: Baljek Airport-o 20 seater aircraft ba ge 20 asongchakani donggipa sildorengko chalaina aro ia airport-ko dal•batatna gita Mongolbar salo a•dok sorkari, Operations & Maintenance (O&M) & Communications, Navigation & Surveillance/Air Traffic Management (CNS/ATM)-na Airports Authority of India (AAI) baksa songgigrike soi ka•grikangaha.
Ia Baljek Airport-o ATR-72 gita dal•kalgipa sildorengrangko chalaina man•na gita ia Airport-ko dal•batatanian a•dok sorkarini miksonganiba ong•enga.
Iani bidingo AAI-ni official-rang, a•dok sorkarini on•dapgipa acre 56.5 a•arango pangchake 2010 aro 2017 bilsio tarigipa Detailed Project Report (DPR)-rangko sorkarina on•angaha.
Ia airport-ko nambate tarina gita jako ra•china a•dok sorkari, AAI-ko mol•molahani gimin AAI-ba ia airport-ko jako ra•na kusi ong•aniko parakangaha aro Phase-I-na skang on•gipa acre 56.5 a•arang baksana acre 125 a•arangko aro Phase-II-na acre 115 a•arangko on•dapchina, a•dok sorkariko mol•molangskaaha.
Ia Baljek Airport-o 20 seater aircraft-ko chalaina aro ia airport-ko dal•batatna gita AAI baksa soi ka•grikanio a•dokni Chief Minister Conrad K Sangma, jinmana aganprakangengon, ia airport-o dal•dalgipa sildorengrangko bilatna sorkario niksamsoanirang donga aro iani bidingo airport-ko dal•bate tarina gita nangdapenggipa a•arangko ra•na kamrangko ka•engaha ine ku•rachakaniko on•angenba, ia kamrangko ru•utatchae dongjachina aro ta•raken kamrangko matchotatchina West Garo Hills a•jani Deputy Commissioner Vibhor Aggarwal-ko didiangaha.
Iako aganengon, knal ba salsa salgnini gisepon ia airport-o dal•dalgipa sildorengrang bilongenok ia katta ong•ja indiba dakna nanggni kamrang bang•en dongkuengani gimin adita somoirangkode nangaikuaigen ineba Sangma aganaha.
Ia biaprangara, samba jolrango donggipa a•songrangona sepangbatani gimin Baljek Airport-ko ua bang•en cholrang donggipa airport gita nikenga ine janapatengon, ia airport-ko chalaina ja•ku de•chakataniara mikkang bilsi 30-50-mangna niksamsoanio pangchakaniko songani ong•enga ine Chief Minister aganaha.
Ia Baljek Airport-o ge 20 seat donggipa sildorengrangko chalaina AAI baksa songgrikanio, Meghalaya Industrial Development Corporation (MIDC)-ni Chairman James PK Sangma, Dadenggre-ni MLA Rupa Marak, West Garo Hills a•jani Deputy Commissioner Vibhor Aggarwal aro AAI-ni official-rangba dongpae bak ra•angaha.
Na·simang ia video-koba nina man·gen:
Na·simang iakoba poraina man·gen: Mizoram HSSLC porikka ni resultko parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
