Shillong, Mar 26: Bangalore-ona re·angenggipa Meghalaya a·dokni manderangna aro chatro chatrirangna dongchak tuchakaniko on·a man·a gita, Meghalaya Guest House dake jakkalna inenba gong crore 20 damni nokko a·dok sorkari brena miksongenga ine Cabinet Minister aro sorkarini ku·wattimgipa Paul Lyngdoh Budbar salo parakataha.

Bangalore-ona bang·bata Meghalaya-ni manderang dingtang dingtang kamrangna re·angtokenga aro bang·a chatro chatrirangan lekka pora skie ra·anikoba ua biapon daktokengani gimin uamangna dongchak tuchakaniko on·a ia nokko brena miksongenga ine Lyngdoh janapataha.

Bangalore-o Meghalaya House-ko rikani bidingo sing·anirangna aganchakengon, da·o dipet iarangko dakna miksongkujaenga, indiba a·doktangni manderangna komigipa damo dongchak tuchakaniko on·a man·a gita Guest House dakesa jakkalangna miksongengkua ine Lyngdoh aganaha.

Na·simang ia video-koba nina man·gen: 

Na·simang iakoba poraina man·gen: Indo-French Football Tournament-ko oprakanio M’laya-ni Mynken School chea

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub