Agartala, Jan 20: India aro Bangladesh sima arijolo brange donggipa Chandratara minggipa mongma mangsako, Bangladesh a•songoni saksa aro India a•songoni sakgni manderang, uamangni jilgipa mongma ine a•kanggriktokenga.
Batanggimin bilsini September 11 tariko, Tripura-ni sima ario donggipa Unakoti a•jani Kailashahar songona ia mongma brangbaaha, jekon, Border Security Forces-rang jokatenba Tripura Forest Department-na pakwatatskaaha.
Indake, Bangladesh-ni Moulvibazar-o songdonggipa Atiqur Rahman, mongma baksa ra•gimin jachipchang aro lekka pancharangko mesokenba ia mongma uni ong•a ine a•kangataha aro unbaksana, India a•songni Kailashahar songo songdonggipa rangba, ia mongmako uamangni ine a•kangatskaaha indake ong•genchimoba, ia mongma uamangni chong•mot ine mesokna gita uamang maming sakkikoba mesokna man•skajaha.
Ia Chandratara mongma da•o dipet Tripura Forest Department-ni jakon ong•enga aro January 21 tariko, uamangni a•jao donggipa kachari-o, ia mongma sani mancha ong•achim uko bichal ka•e kakket nokgipana pakwataniko dakanggen.
Indake pilakan, kachari-o kakket bichal ka•e on•aniko nisengsoenga.
Na·simang ia video-koba nina man·gen:
Na·simang iakoba poraina man·gen: State prez Rikman Momin-ni dilaniko M’laya BJP nangnikkua
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
