Tura, Feb 14: Garo Hills a•jani sima ari gita niamgri napsrukbagipa Bangladesh a•songni sak chet manderangko, Meghalaya Police, CRPF aro BSF dolrang nangrime am•sandianiko dakenba Bristibar attamni 6:30 bajimango Tura Chandmari-o rim•aha. Ia sakchet manderangara, Dewada Upazila, Sakthira a•jani Purulia songoni Sahan Sardar, Ghona songoni Md Habibul Rahman (24), Galiganj Upazila Sakthira a•jani Sehara songoni Sahidul Islam(50), Dewada Police Station ning•o ga•akgipa Sreepur songoni Md Milon (23), Azgar Gazi (28), Sakthira a•jani Battarkhatta songoni Md Sohel (28), Gina songoni Almamun (28) aro Dewada Police Station ning•o ga•akgipa Sekondra songoni Md Tuhin (26) ong•a aro uamang baksa India a•songni West Bengal-ni Bhattipari-o dongenggipa Abhijit Das-koba rim•chapaha.
Ia manderang, Tura Chandmari gita Assam aro West Bengal-ona re•angna mangsongengachim ine koborko man•soa bakan Police dolrang am•sandianiko dakangaha aro uamangni, registration AS 01 GC 7050 number gnanggipa Toyota Innova gario re•angengmitingo Chandmari kal•chakram biap sambao dondikate uamangko rim•aha.
Indake a•selo bak donganina aro tal•bate ma•sina gita gariko salenggipa Abhijit Das-ko police-rang sing•sandianiko dakenga.
Ian ja gittamni gisepo Bangladesh a•songni manderangko West Garo Hills-o rim•ani chang 4-gipa ong•engaha.
Na·simang ia video-koba nina man·gen:
Na·simang iakoba poraina man·gen: Electric Operated Siren-ko gamatani bidingo mikrakataniko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
