Dhaka, July 28: Robibar salo, Chief Advisor Professor Muhammad Yunus, India, Singapore aro China-oni watata man·gipa sak 21 sana bananiko on·gipa dolrangko Dhaka-ni State Guest House Jamuna-o grongeaha. Re·angpipa July jani 21 tariko Air Force fighther jet Milestone School aro College-o a·sel ong·anio saknaa man·giparangna dingtangmancha sana bananiko on·a a·song gipinoni sana bananiko on·gipa dolrang da·o Dhaka-o dongenga. Ia a·sel ong·anio sak 26 bi·sarangko man·chape chu·gimik sak 32 janggirang gimaatako man·aha.
Chinese F-7 BGI training fighther jet bilchakata bikan nosto ong·changaniko man·enba ia a·sel ong·aha.
Professor Yunus, re·bagipa doctor-rang aro nurse-rangko ta·raken dakchakaniko sokatahanina aro uamangni rake kamko ka·an baksana ka·sae sana bananiko on·ahanina de·mitele aganangaha. Nanggitikan somoio gipin a·songrang baksa apsan nangrime kam ka·na nangchongmotani gimin aganengon, sana banani bidingo u·i-ma·sianirangko u·iate on·angchina aro gital chanchibewalanirangko skie on·angchinaba ua didiataha.
Chief Advisor for the Ministry Of Health-na dingtangmancha dakchaktimgipa, Professor Sayedur Rahman, a·song gipinoni sangipa dolrangni ta·rake re·baanichi bang·a manderangni janggirangko jokatna man·aha ineba ua aganangaha.
July jani 23 tariko, India-ni sak 4 sangipa dolrang dakchakaniko on·a sokangaha. Adita salrangna skang mangmang India-ni Prime Minister Narendra Modi-ba, ia a·sel ong·anio gimagipa janggirangna kalimpaaniko dakatan baksana Bangladesh-na India-ni dakchakaniko on·a ku·rachakataha.
Na·simang iakoba nina man·gen:
Na·simang iakoba poraina man·gen: 1st Prize Money Badminton Tournament-ko ong·atanio Tura Badminton Coaching Centre niksenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
