Shillong, Aug 5: Bangladesh a•songo so•sojengjeng ong•engani gisepon, Robibar salni bako sak 98-mangni gita manderang siani ja•man, agre sinjetanirangko chakna man•jae Bangladesh a•songni Prime Minister Sheikh Hasina, Sombar salo kamtangko watenba India a•songona katbaaha aro da•o ua London a•songona katangskana sienga.
Batanggimin July jaonin, sorkarini kamna quota system-o rakkianiko bon•atchina dabiani bidingo, chel•chaksoenggipa dolrang aro sorkarini ning•o dangdike on•enggipa dolrang baksa chatro chatrirangni gisepo nanggrikanichi sak 300-na batpile manderangni janggirang nisiatako man•ahachim.
Iani gisepon, bang•a sinjetanirangko man•ahani gimin Sheikh Hasina aro uni nogipa Sheikh Rehana, sipairangni sildorengo gadoenba kataha aro India a•songni Uttar Pradesh-o donggipa Hindon Airbase-o bilonchakeaha. Indake mikka waanirang namahaon ua gipin sildorengo gadoe London a•songona re•angskagen ine koborko man•soaha. India a•songni sorkariba, uko London-ona re•anganio Indian Airspace-ko on•e dakchakna tik ka•angaha.
Koborko man•soani gitade, da•o dipet Bangladesh-ni Army Chief General, Waker-Uz-Zaman, sorkarini kamko jako ra•e a•songko dilangskagen.
Na·simang ia video-koba nina man·gen:
Na·simang iakoba poraina man·gen: A•chikrangoni skanggipa Architect aro ABDK-ni gitcham president GCR Marak a•gilsakko watanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
