Agartala, April 20: South Tripura-ni Netaji Subhas Chandra Nagar aro Ishan Chandra Nagar songni manderang, India-Bangladesh sima arioni yard 10 ba 50 mangmang chel·ao Bangladesh-ni Muhuri Chibima jolo dal·begipa chi kapenganina jajrengsoenga. Ia chi ban kapenggipani chuaniara feet 15-20 mang ong·an baksana kilometer 1-na bate bakroa aro iano chi jokgale galna gita a·kol ba donggekoba tarija. Iani a·sel, Belonia jillako man·chape, ge 500 nokdangrang uamangni songrango chi ban re·naba donga ine jajrengsotokenga.
Iandakgipa rika cho·anirangara, sima arioni yard 150 mangna komigipa biaprango pangkamgipa rika cho·anirangko dakna man·jawa ine a·songrangni dongimin niamko pe·ani gita ong·enga. Uamang sorkarioniko baditaba chang dakchakaniko am·ahachim indiba darangba iani bidingo rongtale aganchaka dongkuja ine songni manderang aganangaha.
Adita salrangna skang, Bangladesh-ni Unakoti a·jao Kailashahar-oba ian apsan dake dongge gri dal·begipa chi ban kapenganiko rikaha. Tripura a·ja, Bangladesh baksa 857 km mangni gita sima ariko man·chapani gimin iandakgipa project-rangko ra·banaba donga ine manderang jajrengsoenga.
Songni manderang, sorkario ia chi ban kaaniko ra·galchina ba mikka wachi ra·gatna skang chu·onga gita donggerangko tarie on·china didiataha. Uamang an·tangtangni nok jam, a·arang aro janggirangko naljokatna gita iani bidingo ta·rake ja·ku de·aniko nangnikenga.
Na·simang ia video-koba nina man·gen:
Na·simang iakoba poraina man·gen: Assam-o mande saksa, jiktangko sko sota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
Download our app from playstore – Northeast Media Hub
