Agartala, Dec 8: Bangladesh a•songo so•so jengjeng ong•engani a•sel a•song gipinona bilruragipa sildorengrangko chalaianio aro Tripura a•dokni mongsonggipa bading chiwalanio jakkalbatgipa Chittagong sea port-ona re•a doaniko ru•utatenba neng•nikanirangko man•enga.
Tripura aro Bangladesh a•songni gisepo ru•uta bilsirangna bading chiwalanirang nosto ong•atako man•engan baksana a•doko tangka paisani gita tangdoanikoba komiataha.
“Infrastructure in North East India – Challenges and Way Ahead”-ni bidingo seminar-ko ong•atmiting somoio, Tripura Transport aro Tourism Minister, Sushanta Chowdhury, Bangladesh a•songo ong•enga obostani a•sel nangchakeako man•engani bidingo gisiko suk ong•gijaniko janapataha. Indian Buildings Congress (IBC) Tripura Chapter dolrang, Public Works Department (PWD) Urban Development, PWD Rural Development aro Agartala Municipal Board baksa apsan nangrimenba ia program-ko Sukanta Academy Auditorium-o ong•atangaha.
Ia seminar-o mongsonggipa sokgiparang jekai IBC-ni founder President aro CPWD-ni DG gitcham, Er. O. P Goel, New Delhi IBC-ni President Er. C Debnath aro Tripura PWD (R&B aro Buildings)-ni Chief Engineer, Er. Rajib Debbarma aro gipin dal•gipa manderangni dongpaanio, Chowdhury ia seminar-ko a•bachengate on•angaha.
India a•songni jakgitelaniko man•aoni ja•minchakbatgipa Salgro Salaram jolrango tang•dobatataniko ra•bana gita sorkarini jotton ka•anirangko aganengon, Union Finance Minister, km 4,000 mangni gita national highway tarianiko man•chape, tangka gong 4,000 crore-rangko Tripura a•dokna on•ata baksana Salgro Salaram jolo donggipa a•dokrangna chu•gimik tangka gong lakh 1.34-rangko chamatani giminba Chowdhury u•iatangaha. Una agreba, ma•mong aro a•dok sorkarini dakchakaniko man•e a•doko donggipa manderangna janggi tangani cholrangko ra•baan baksana a•doko tangka paisani gita tang•doaniko ra•bana miksonganio crore 500-mangni gita tourism project-rangko ra•baani gimin ua u•iatangkuaha.
Indake ong•engon, Bangladesh a•songo so•so jengjeng ong•anichi, Agartala aro Chiitagong-ona sildoreng bilrura•anirang baksana Tripura aro Chittagong sea port-ko nangdimatna rikgipa Maitri Setu dollongba nangchakeako man•enga. Ia ru•utatani a•sel, Salgro Salaram jolo bading chiwalani aro tourism-o mongsonggipa biap ong•na miksonganina kenchakna nangani ong•a.
Na·simang ia video-koba nina man·gen:
Na·simang iakoba poraina man·gen: Highway-o saknae donggipa matchapeng dal•gipako forest team jokata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
