Agartala, Jan 7: Robibar aro Sonibar walni gisepo am•sandianiko dakanio, Tripura-ni Sepahijala a•jaoniko mande badingsrukgipa ine chanchichipenggipa sak 5 manderang chong•motan bilsi 30 ong•gipa Jayanta Das, bilsi 38 ong•gipa Samir Das, bilsi 35 ong•gipa Kajir Hossain, bilsi 34 ong•gipa Mobin Mia aro bilsi 32 ong•gipa Gour Chand Debnath, maangko rim•aha. Bangladesh-oni niamgri India-ona sriksrik napbagiparangko iarangan dakchakgiparang ong•a ine sing•sandie nianiko dakanio u•ina gita man•aha.
Agartala Government Railway Police (GRP), Madhupur Police Station, Border Security Force (BSF) aro Intelligence Agency-rang baksa apsan bakrimenba, Puratal Rajnagar, Kayadefa, Harihardola aro Konaban jolrangniko am•sandianio ia dos dakgiparangko rim•na gita man•aha.
GRP-ni official Tapas Das, Agartala Railway Station-o niamgri napsrukbagipa Bangladeshi-rangko rim•a jaman minggni case-rangko segataha inenba kobor ra•timgiparangna parakataha.
BSF, Tripura police aro gipin agency-rangni dakchakanichi uamang sak 5 mande badingsrukgiparangko Sepahijala a•jani Harihardola bazar-oniko rim•aha aro adita sing•sandie nianirangko dakon, Bangladeshi manderangko sima ari gita sriksrik napbana dakchakanio jak dongpaa ine u•ina gitaba man•aha ineba, Das u•iataha.
Batanggimin ja 4-ni gisepo, sak 98 Bangladeshi aro sak 10 Rohingya-rangko Tripura a•dokona niamgri napsrukbana dakchakgipa sak 30 India-ni manderangko rim•aha.
Re•anggipa bilsio, National Investigation Agency (NIA), Tripura a•dokko man•chape India a•song gimikon am•sandie nianiko dakangaha jeon mande badingsrukanio bak dongpagipa sak 40-na batpile India-ni manderangko rim•aha.
Na·simang ia video-koba nina man·gen:
Na·simang iakoba poraina man·gen: Tura Bazar-o sakgni dinggrike saksa so·ota man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
