Shillong, July 20: So·sojengjeng ong·enggipa Bangladesho jachange dongenggipa Indiani manderangko rimbana kam ka·chichamiting ong·enga aro da·alni gisepon sak 200 poraigiparangko Agartala Land Port gita Indiaona rimbaaha ine kobor man·aha. Uoni sak 40de Meghalayani ong·a aro uamangoni bang·batan medical studentrang ong·toka.
Ua poraigiparangko Agartala-Akhaura International Land port gita Tripuraona rimbachengaha aro jamano Shillongona sokatgen. Uamang Sonamura simako attam 5 bajimango batsotbaha ine kobor man·aha.
Hub News-ni kobor man·ani gitade sak 30 chadamberang Dhakao donggipa Eastern Medical College-o poraigiparang ong·a.
Bangladeshoni re·baenggiparangko rimchaksona gita Meghalaya sorkari garirangko Sonamura simaona watatenga. Uamangna cha·a ringanirangko sachina gita Khliehriat-ni DC kam ka·soenga.
July 18 aro 19 tarikrango Dawki International Land Port gita gimin sak 673 studentrang Indiaona sokbaaha.
Sorkario kam ka·e cha·ani 30%kode 1971 bilsio Bangladeshni jakgitelanina dakgrikgipa sipairangni de-su·drangna kange dongen ine Supreme Courtni rai on·on Bangladesho dal·bea golmal July 1 tarikonin a·bachengaha.
Bangladeshni medical collegerango poraina Indiaoni re·anggiparang bang·en donga. Uan mongsongbate Bangladesho medical scienceko dam komibatao poraina man·ani gimin ong·a. Bangladesho MBBSko bilsi 5 poraina Rs 25-35 lakmangsan nangaia, jean Indiaode komibeoba Rs 60 lakmang ong·gen.
Na·simang ia video-koba nina man·gen:
Na·simang iakoba poraina man·gen: Cha•anirangko salbagipa garirangko dontongatenga ni a•sel South Sikkim-o cha•anina dilenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
