Shillong, July 19: Bangladesh a·song gimikon so·sojengjeng ong·engon Meghalayaoni re·anggipa poraigiparangko naljoke rimbana gimikni gitan man·gope kamrangko ka·enga ine Chief Minister Conrad K Sangma ka·dongataniko on·aha.
CMni aganani gitade, Meghalayaoni sak 80 poraigiparangko chanchape Indiani sak 405 poraigiparangko Dawki gita naljoke rimbana man·aha. Uasan ong·aigija, Bhutan aro Nepaloni poraina re·anggiparang aro touristrangkoba so·sojengjeng ong·enggipa a·songoniko rimbana man·aha.
Dhaka songjinmao donggipa Indian Embassy baksa a·dok sorkari kobor ra·grikjringenga. Eastern Medical College-o sak 36 poraigiparang donga aro ua collegeko chalaigiparangmingba kobor ra·grikenga ine Chief Minister aganaha.
Chief Ministerni aganani gitade, gipin a·songo poraina re·anggiparang uamangni phone numberrangko register ka·china online portal tariani bidingo cabinet meeting ong·taio chanchirimgen. Uan nanggitiko kobor ra·na namgipa chol ong·gen ine ua aganaha.
Na·simang ia video-koba nina man·gen:
Na·simang iakoba poraina man·gen: Quota systemko jegale Bangladesho an·chi pari; Meghalayani chadamberangko rimbana a·dok sorkari kam ka·enga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
